काठमाडौं उपत्यकामा सार्वजनिक यातायात ठप्प

काठमाडौं । काठमाडौँ उपत्यकामा चल्ने सार्वजनिक यातायात आज ठप्प रहेका छन् । यातायात मजदूरहरुको आन्दोलनका कारण आज सार्वजनिक सवारी साधनमा हड्ताल गरिएको हो ।

यसका कारण कार्यालय र काममा जानुपर्ने सर्वसाधारणहरु मर्कामा परेका छन् । धेरैजसो यात्रु हिँडेर नै गन्तव्यतर्फ लागेका छन् ।

यातायात व्यवसायीले नयाँ बसपार्कभित्र आफ्ना कम्पनीको सवारीसाधन ‘पार्किङ’ गर्न लोत्से बहुउद्देश्यीय प्रालिसँग सम्झौता गरे पनि मजदुरले भने त्यसको विरोध गरेका छन् ।